नगर दर्शन (वृत्तसेवा):- कृष्णा व गोदावरी लाभक्षेत्रात मागील दोन दिवसांपासून झालेल्या मुसळधार पावसामुळे धरणांतील पाणीसाठ्यात मोठी वाढ झाली असून, संभाव्य पूरस्थितीच्या पार्श्वभूमीवर धरणांचे सुरक्षित, वैज्ञानिक आणि समन्वयपूर्ण संचलन करण्याचे निर्देश जलसंपदा मंत्री राधाकृष्ण विखे पाटील यांनी दिले. धरणांमधून पाण्याचा विसर्ग करताना जिल्हा प्रशासन, महसूल विभाग, पोलीस यंत्रणा आणि आपत्ती व्यवस्थापन विभागाशी प्रभावी समन्वय राखण्यासह प्रत्येक धरणाचा आपत्कालीन कृती आराखडा (Emergency Action Plan) अद्ययावत ठेवण्याच्या सूचनाही त्यांनी अधिकाऱ्यांना केल्या.
